oleh

Bupate Sareng Plt Kadisdik Songennep Mantau UNBK Paket C

Pena Madure, Songennep, Salasa 16 April 2019 –  Ujian Nasional Berbasis Komputer (UNBK) paket C e are akher, Sennin (15/04/2019) e oladhi langsung sareng Bupate Songennep, Dr. KH. A. Busyro Karim, M.Si tor Palaksana tugassa (Plt) Kapala Dinas Pendidikan (Disdik) Kabhupaten Songennep, Muhammad Saidi.

Palaksanaanna e PKBM Al-Hikmah Disa Gending Kacamatan Gending tor PKBM Raudlatul Islam Disa Tarogen Kacamatan Lenteng. Marge sare se noro’ ojhien paket C ka’dhinto sabennyakna 1.226 oreng se e laksana aghi sareng 54 lembaga se tasebber e Songennep. Peket C ka’dinto pade sareng Sakolaan SMA.

“Alhamhamdulillah palaksnaan ojhien ajelen lancar, sae e dhereden tor e polo Songennep. Adesar aghi laporan se badha marghe sare se deteng sampe’ 98 persen”, totorra Bupate saampona mareksane.

Bupate ngarep, marghe sare se ta’ sempat asakola bisa amanfaat aghi paket C ka’dhinto sopaje bisa nambe pangataoanna tor ningkat aghi kapenteranna.

“Kaule ngarep program paneka bisa amanfaat de’ marghe sare Songennep kaangguy nyere elmo tor pangalaman se lebbi tengghi,” emot rakana Nurfitriana ka’dinto.

Bupate ngungkap aghi, marghe sare se lulus proram paket C ka’dhinto bisa andi’ pangaterro kaangguy asakola terros sampek akuliyah. Amarghe kaade’na kaangguy nyare lako ngaphuto aghi kapenteran sopaje bisa olle geji se lajek.

“Samangken nyare lako malarat ngaphuto aghi ijasah se tenggih. Paleng mabe D1, D3 otabe S1. Saenggena kaangguy deddi oreng sukses tor amanfaat de’ ka oreng bennyak jhugen ngabhuto aghi elmo se tengghi tor tatakrama” teggesse.

Plt. Kapala Dinas Pendidikan Kabhupaten Songennep, Muhammad Saidi nambei, samangken palaksana PKBM paket C ampon sadhejana ngangguy komputer, sae e deredhen tor e polo.

“Khusus palaksana e polo samangken gi’ tagenggu jaringan internet. Saenggena ojhien e lakoni ngangguy sistem offline. Namong maske saka’dhinto alhamdulillah lancar,” ca’epon Saidi notop careta. (Emha/Man)

Komentar

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Situs ini menggunakan Akismet untuk mengurangi spam. Pelajari bagaimana data komentar Anda diproses.

News Feed